கம்யூனிஸ்ட்கள் வெகுஜன இயக்கமாக இருந்தது கடந்த காலமாக மாறி பல ஆண்டுகள் ஆகி விட்டன. உண்டியல் குலுக்கி கட்சி நடத்திய போது இருந்த சமூகப்பிணைப்பு இன்று இல்லை . இந்த ஆட்சியின் பல மக்கள் விரோத, குறிப்பாக, மகளிர் பாதுகாப்பு போன்ற முக்கிய பிரச்சனைகளில் கூட ஒரு வலுவான மக்கள் போராட்டமோ கண்டன அறிக்கையோ இல்லை. ஆளும் கட்சியிடம் இருந்து வாங்கிய கட்சி வளர்ச்சி நிதிக்கு விசுவாசமாக ஒப்புக்கு சப்பாணி அறிக்கைகள் மட்டுமே. பிஜேபி எதிர்ப்பு ஒன்றே கொள்கையாக கொண்டு திமுக வுக்கு முட்டுக்கு கொடுப்பதே தினப்படி வேலையாகி விட்டது. சிங்கள் டீ சிகரெட்டுடன் தத்துவார்த்த, போராட்ட அரசியல் நடத்திய கம்யூனிஸ்ட்கள் காலமாகி விட்டனர் அல்லது சொந்த கட்சியிலேயே காலாவதி ஆகி காலம் தள்ளுகின்றனர். கட்சியின் பொருளாதார கட்டமைப்புக்காக , கொள்கைகளில் சமரசம் செய்யும் நிலையை முன்னெடுத்து விட்டனர்.