கர்நாடக மாநில கால்பந்து சங்கம் சார்பில், பெங்களூரு அசோக் நகரில் உள்ள கால்பந்து விளையாட்டு மைதானத்தில் பல அணிகள் பங்கேற்கும் சாம்பியன்ஷிப் போட்டிகள் நடந்து வருகின்றன.

நேற்று நடந்த போட்டியில் பயோனியர் எப்.சி., - புளூ டைமண்ட் அணிகள் மோதின. துவக்கத்தில் இருந்தே சிறப்பாக ஆடிய புளூ டைமண்ட் அணிக்கு, அந்த அணியின் வீரர்கள் மணிமாறன், பாபு, செல்வா ஆகியோர், தலா, 2 கோல்கள் அடித்தனர். பிரசாந்த், பிரேம் தலா ஒரு கோல் அடித்ததன் மூலம், அந்த அணிக்கு 8 கோல் கிடைத்தது. ஆனால் எதிரணியால் ஒரு கோல் கூட அடிக்க முடியவில்லை.

இதே பிரிவில், மற்றொரு போட்டியில் அக்னிபுத்ரா எப்.சி., அணி, மகேஷ்ராஜ் யுனைடெட் எப்.சி., அணியை 2 - 1 என்ற கோல் கணக்கில் வீழ்த்தியது.