ஸ்ரீ அகத்திய மாமுனிவரின் மரபில், ஒன்பதாவது முனிவராக அவதரித்த ஸ்ரீ ஸ்ரீ சத்குருநாதர் மகா முனிவரின் குருபூஜை திருவிழா நடுஹட்டி கிராமத்தில் நடந்தது.

காலை, 10:00 மணிக்கு, ஸ்ரீ சத்குரு நாதர் சமய கொடி ஏற்றப்பட்டு விழா துவங்கியது. தொடர்ந்து, 11:00 மணிக்கு, மந்திர உச்சாடனை, சிறப்பு பூஜை, தேவார பாடல் பஜனை இடம் பெற்றது. பகல், 1:00 மணிக்கு, ஸ்ரீ சற்குருநாதர் மகா முனிவரின் திரு உருவப்படம் வீதி உலா நடந்தது.

தொடர்ந்து, 2:00 மணிக்கு, பக்தர்களுக்கு அன்னதானம் வழங்கப்பட்டது. பிற்பகல், 3:00 மணிக்கு, பிருந்தாவன ஆடல் பாடல் நடந்தது. மாலை, 6:00 மணிக்கு மங்கள ஆரத்தியுடன், விழா நிறைவடைந்தது.