* ரூ.68 ஆயிரம் சோழவந்தான் தொகுதியில் வாடிப்பட்டி சர்ச் அருகே நிலையான கண்காணிப்பு குழு அலுவலர் நாகராஜா தலைமையில் எஸ்.ஐ., பாபு காந்தி, ஏட்டு காயத்ரி வாகன சோதனை செய்தனர். உசிலம்பட்டி சொக்கர் டூவீலரில் கொண்டு வந்த ரூ.68 ஆயிரத்து 600 பறிமுதல் செய்யப்பட்டது.

* ரூ. 3.50 லட்சம் உசிலம்பட்டி தொகுதி ஆண்டிபட்டி கணவாய் பகுதியில் முத்துமாணிக்கம் தலைமையிலான தேர்தல் பறக்கும் படையினர் வாகன சோதனையில் ஈடுபட்டனர். அவ்வழியாக தேனி மாவட்டம் கருநாக முத்தன்பட்டி ராஜ்குமார் உள்ளிட்ட 6 பேர் காரில் வந்தனர். காரில் உரிய ஆவணங்கள் இன்றி இருந்த ரூ. 3 லட்சத்து 50 ஆயிரத்து 830 ஐ பறிமுதல் செய்து, அரசு கருவூலத்தில் ஒப்படைத்தனர்.