பழநி ஆர்.எப்.ரோட்டில் உள்ள மின்வாரிய அலுவலக உதவி பொறியாளர் சிவக்குமார் 46 .

இவரிடம் பழநி பாலசமுத்திரம் பகுதியில் கட்டிய அங்கன்வாடி மையத்திற்கு மின்இணைப்பு பெற ஒப்பந்ததாரர் முருகானந்தம் 44, விண்ணப்பித்துள்ளார். இதற்காக முருகானந்தத்தின் சகோதரர் மருதராஜ் 42, உதவி பொறியாளர் சிவகுமாரை தொடர்பு கொண்டபோது ரூ. 5 ஆயிரம் லஞ்சம் கேட்டுள்ளார். இதுகுறித்து மருதராஜ் திண்டுக்கல் மாவட்ட லஞ்ச ஒழிப்பு போலீசாரிடம் புகார் அளித்தார். அவர்கள் அறிவுறுத்தல்படி மருதராஜ் நேற்று மின் வாரிய அலுவலகத்தில் இருந்த சிவக்குமாரிடம் ரூ. 5 ஆயிரம் கொடுத்துள்ளார். அப்பணத்தை வாங்கிய சிவக்குமாரை அங்கு மறைந்திருந்த டி.எஸ்.பி., நாகராஜ் தலைமையிலான லஞ்ச ஒழிப்பு போலீசார் கைது செய்தனர்.