மேட்டுப்பாளையம் -: கோவை சரவணம்பட்டியை சேர்ந்தவர் கிருஷ்ணமூர்த்தி, 34, சின்ன வேடம்பட்டியில் தனியார் கம்பெனி டிரைவர். , இவர் நண்பருடன் கோவையில் இருந்து, மாலை, 5:55 மணிக்கு புறப்பட்ட பாசஞ்சர் ரயிலில் மேட்டுப்பாளையம் வந்தார். தான் கொண்டு வந்த பேக்கை, ரயிலில் மறந்து விட்டுச் சென்றார். இரவில் வீட்டுக்கு சென்ற பிறகு தான், பேக்கை தவற விட்டது கிருஷ்ணமூர்த்திக்கு தெரியவந்தது. ரயில் பெட்டிகளை சுத்தம் செய்த, ஊழியர்கள், கேட்பாரற்றுக் கிடந்த பேக்கை, ரயில்வே ஸ்டேஷன் மேலாளரிடம் ஒப்படைத்தனர். அந்த பேக்கில் மொபைல் போன், ஆதார் கார்டு, ஏ.டி.எம்., கார்டு, டிரைவிங் லைசன்ஸ் ஆகியவை இருந்தன.