பிரான்ஸ் தலைநகர் பாரிசில், பிரெஞ்ச் ஓபன் கிராண்ட்ஸ்லாம் டென்னிஸ் தொடர் நடக்கிறது. பெண்கள் ஒற்றையர் பிரிவு முதல் சுற்றில் சுவிட்சர்லாந்தின் பெலிண்டா பென்சிக், ஆஸ்திரியாவின் சின்ஜா கிராஸ் மோதினர். அபாரமாக ஆடிய பென்சிக் 6-2, 6-3 என்ற நேர் செட் கணக்கில் வெற்றி பெற்று, 2வது சுற்றுக்குள் நுழைந்தார்.

மற்றொரு போட்டியில் சீனாவின் ஜின்யு வாங், ஆஸ்திரியாவின் லில்லி டாக்கர் மோதினர். இதில் ஜின்யு வாங் 6-3, 3-6, 6-4 என்ற செட் கணக்கில் வெற்றி பெற்று, 2வது சுற்றுக்கு முன்னேறினார். செக்குடியரசின் மேரி பவுஸ்கோவா 6-3, 6-1 என, இத்தாலியின் லுாசியா பிரான்செட்டியை வென்றார்.

மற்றொரு முதல் சுற்றில் அமெரிக்காவின் கேட்டி மெக்னாலி 3-6, 7-6, 6-3 என்ற கணக்கில் ஆஸ்திரேலியாவின் அஜ்லா டாம்ல்ஜனோவிச்சை வீழ்த்தினார். உக்ரைனின் மார்டா கோஸ்டியுக் 6-2, 6-3 என ஸ்பெயினின் ஒக்சானா செலெக்மெடேவாவை வென்றார்.

ஆண்கள் ஒற்றையர் பிரிவு முதல் சுற்றில் ரஷ்யாவின் காரென் கச்சானோவ், பிரான்சின் ஆர்தர் ஜியா மோதினர். அபாரமாக ஆடிய கச்சானோவ் 6-3, 7-6, 6-0 என்ற நேர் செட் கணக்கில் வெற்றி பெற்றார். ஜெர்மனியின் அலெக்சாண்டர் ஸ்வெரேவ் 6-3, 6-4, 6-2 என, பிரான்சின் பெஞ்சமின் போன்சியை வீழ்த்தினார்.

மற்றொரு போட்டியில் ஆஸ்திரேலியாவின் ஜேம்ஸ் டக்வொர்த், கனடாவின் கேப்ரியல் டியாலோ மோதினர். இதில் டக்வொர்த் 6-3, 4-1 என முன்னிலையில் இருந்த போது டியாலோ காயத்தால் பாதியில் விலகினார். இதனையடுத்து டக்வொர்த் வெற்றி பெற்றதாக அறிவிக்கப்பட்டு 2வது சுற்றுக்குள் நுழைந்தார்.