கடைசி சுற்று போட்டிகளில் (மே 21) ஈஸ்ட் பெங்கால்-இன்டர் காஷி (இடம்: கொல்கட்டா), பஞ்சாப்-மும்பை (டில்லி), மோகன் பகான்-டில்லி (கொல்கட்டா), ஜாம்ஷெட்பூர்-ஒடிசா (ஜாம்ஷெட்பூர்) அணிகள் மோதுகின்றன. இந்த நான்கு போட்டிகளும் இரவு 7:30 மணிக்கு துவங்குகின்றன. இப்போட்டிகளின் முடிவை பொறுத்து சாம்பியன் பட்டத்தை கைப்பற்றும் அணி உறுதியாகும். தற்போதுள்ள நிலையில், புள்ளிப்பட்டியலில் முதல் 6 இடங்களில் உள்ள அணிகளுக்கும் கோப்பை வெல்லும் வாய்ப்பு உள்ளது.

ரஞ்சி கோப்பை எப்போது

புதுடில்லி: இந்திய கிரிக்கெட் போர்டு (பி.சி.சி.ஐ.,) சார்பில் உள்ளூர் தொடர்களுக்கான (2026-27) அட்டவணை வெளியானது. ரஞ்சி கோப்பை தொடர், மீண்டும் இரண்டு கட்டமாக நடக்கவுள்ளது. முதற்கட்ட போட்டிகள் வரும் அக். 11ல் துவங்குகின்றன. இரண்டாம் கட்ட போட்டிகள் அடுத்த ஆண்டு ஜன. 17 முதல் மார்ச் 3 வரை நடக்க உள்ளன. இதில் 'நாக்-அவுட்' போட்டிகளும் (பிப். 9 - மார்ச் 3) அடங்கும்.

மண்டலங்களுக்கு இடையிலான துலீப் டிராபி, வரும் ஆக. 23 முதல் செப். 10 வரை பெங்களூருவில் நடக்கவுள்ளது. நடப்பு ரஞ்சி கோப்பை சாம்பியன் ஜம்மு காஷ்மீர், 'ரெஸ்ட் ஆப் இந்தியா' அணிகள் மோதும் இரானி கோப்பை, அக். 1-5ல் ஸ்ரீநகரில் நடக்கவுள்ளது.

சையது முஷ்தாக் அலி டிராபி, வரும் நவ. 14 முதல் டிச. 6 வரை நடக்கவுள்ளது. லீக் போட்டிகள் மும்பை, மொகாலி, விசாகப்பட்டனம், கொல்கட்டாவிலும், 'நாக்-அவுட்' போட்டிகள் நாக்பூரில் நடக்கவுள்ளன. விஜய் ஹசாரே டிராபி, டிச. 14 முதல் 2027, ஜன. 8 வரை நடத்தப்படுகிறது.