ஆஸ்டன் வில்லா ஏமாற்றம்

நாட்டிங்காம்: இங்கிலாந்தின் நாட்டிங்காம் நகரில் நடந்த ஐரோப்பா லீக் கால்பந்து அரையிறுதிக்கான முதல் போட்டியில் ஆஸ்டன் வில்லா, நாட்டிங்காம் பாரெஸ்ட் அணிகள் மோதின. கிறிஸ் உட் ஒரு கோல் அடித்து கைகொடுக்க நாட்டிங்காம் அணி 1-0 என்ற கணக்கில் வெற்றி பெற்றது. போர்ச்சுகலில் நடந்த மற்றொரு அரையிறுதியில் பிராகா (போர்ச்சுகல்), பிராய்பர்க் (ஜெர்மனி) அணிகள் மோதின. இதில் பிராகா அணி 2-1 என்ற கோல் கணக்கில் வெற்றி பெற்றது.

எக்ஸ்டிராஸ்

* ஐதராபாத்தில் வரும் ஜூன் 16-28ல், ரக்பி பிரிமியர் லீக் 2வது சீசன் நடக்கவுள்ளது. இதில் 6 அணிகள் பங்கேற்கின்றன.

* டில்லியில் நடக்கும் ஐ.டி.எப்., டென்னிஸ் தொடருக்கான காலிறுதியில் இந்தியாவின் ஜீல் தேசாய் 4-6, 4-6 என, சகவீராங்கனை ஷ்ருதியிடம் தோல்வியடைந்தார்.

* ஒருநாள் போட்டிக்கான ஐ.சி.சி., தரவரிசையில் 'நடப்பு உலக சாம்பியன்' இந்திய பெண்கள் அணி (124 புள்ளி) 3வது இடத்தில் உள்ளது. இங்கிலாந்து அணி (128) 2வது இடத்துக்கு முன்னேறியது. முதலிடத்தில் ஆஸ்திரேலியா (163) நீடிக்கிறது.

* ஒடிசா மாநிலம் புவனேஸ்வரில், இந்திய ஓபன் உள்ளரங்கு தடகள போட்டிகள் இன்று துவங்குகின்றன. இதில் 'போல் வால்ட்' போட்டியில் தமிழகத்தின் பரனிகா, ம.பி.,யின் தேவ் குமார் மீனா பங்கேற்கின்றனர்.

* கஜகஸ்தானில், உலக கோப்பை துப்பாக்கி சுடுதல் ('ஷாட்கன்') தொடர் இன்று துவங்குகிறது. இதில் 42 நாடுகளை சேர்ந்த 284 பேர் பங்கேற்கின்றனர். இந்தியா சார்பில் ரைசா தில்லான், மைராஜ் அகமது கான், அனந்த்ஜீத் சிங் உள்ளிட்ட 12 பேர் களமிறங்குகின்றனர்.

* 'டி-20' உலக கோப்பை தொடருக்கு தயாராகும் விதமாக கனடா கிரிக்கெட் அணியின் தலைமை பயிற்சியாளராக இந்தியாவின் மான்டி தேசாய் 51, நியமிக்கப்பட்டுள்ளார். ஏற்கனவே இவர், 2019ல் கனடா அணிக்கு பயிற்சியாளராக இருந்துள்ளார்.