நெதர்லாந்தில், டாடா ஸ்டீல் செஸ் தொடரின் 88வது சீசன் நடக்கிறது. இதன் மாஸ்டர்ஸ் பிரிவில் இந்தியாவின் குகேஷ், பிரக்ஞானந்தா, அரவிந்த் சிதம்பரம், அர்ஜுன் எரிகைசி, நெதர்லாந்தின் அனிஷ் கிரி, ஜெர்மனியின் வின்சன்ட் கீமர் உள்ளிட்ட 14 பேர் விளையாடுகின்றனர்.

இதன் 12வது சுற்றில், இந்தியாவின் குகேஷ் (கருப்பு), அமெரிக்காவின் ஹான்ஸ் மோக் நீமன் (வெள்ளை) மோதினர். விறுவிறுப்பான இப்போட்டி 63வது நகர்த்தலில் 'டிரா' ஆனது.

இந்தியாவின் அரவிந்த் சிதம்பரம் (வெள்ளை), நெதர்லாந்தின் அனிஷ் கிரி (கருப்பு) மோதிய மற்றொரு 12வது சுற்று போட்டி 52வது நகர்த்தலில் 'டிரா' ஆனது. இந்தியாவின் பிரக்ஞானந்தா (கருப்பு), உஸ்பெகிஸ்தானின் ஜாவோகிர் சின்டாரோ (வெள்ளை) மோதிய போட்டி 14வது நகர்த்தலில் 'டிரா' ஆனது. இந்தியாவின் அர்ஜுன் (கருப்பு), நெதர்லாந்தின் ஜோர்டான் வான் பாரெஸ்ட் (வெள்ளை) மோதிய போட்டி 36வது நகர்த்தலில் 'டிரா' ஆனது.

இதுவரை நடந்த 12 சுற்றுகளின் முடிவில் உஸ்பெகிஸ்தானின் நாடிர்பெக் (8 புள்ளி), ஜாவோகிர் சின்டாரோ (7.5) முதலிரண்டு இடங்களில் உள்ளனர். இந்தியாவின் குகேஷ் (6 புள்ளி), பிரக்ஞானந்தா (5), அரவிந்த் சிதம்பரம் (4.5), அர்ஜுன் (4.5) முறையே 9, 11, 12, 13வது இடத்தில் உள்ளனர்.