இங்கிலாந்தின் லிவர்பூல் நகரில், உலக குத்துசண்டை சாம்பியன்ஷிப் தொடர் நடக்கிறது. இந்தியா சார்பில் 20 பேர் உட்பட, 65 நாடுகளில் இருந்து, 550 நட்சத்திரங்கள் பங்கேற்கின்றனர்.

பெண்களுக்கான 80+ கிலோ எடைப் பிரிவு காலிறுதியில் இந்தியாவின் நுபுர் ஷியோரன், துருக்கியின் சேமா டஜ்டசை எதிர்கொண்டார். இந்தியாவின் முன்னாள் 'ஹெவிவெயிட்' குத்துச்சண்டை வீரரான ஹவா சிங் பேத்தியான நுபுர் ஷயோரன், துவக்கத்தில் இருந்தே ஆதிக்கம் செலுத்தினார். முடிவில் 5-0 என வெற்றி பெற்று, பைனலுக்கு முன்னேறினார்.

ஜாஸ்மின் வெற்றி

57 கிலோ பிரிவு அரையிறுதியில் இந்திய வீராங்கனை ஜாஸ்மின், வெனிசுலாவின் ஓமைலின் அல்காலாவை சந்தித்தார். துவக்கத்தில் தடுமாறிய ஜாஸ்மின், பின் ஆதிக்கம் செலுத்தினார். முடிவில் 5-0 என வெற்றி பெற்று, பைனலுக்குள் நுழைந்தார். இதில் ஒலிம்பிக்கில் வெள்ளி வென்ற போலந்தின் ஜூலியாவை சந்திக்க உள்ளார்.

48 கிலோ பிரிவு அரையிறுதியில் இந்தியாவின் மீனாட்சி, 2023 உலக சாம்பியன்ஷிப்பில் வெள்ளி வென்ற மங்கோலியாவின் அல்டன்ட்செட்செக்கை சந்தித்தார். இதில் மீனாட்சி 5-0 என வென்று, பைனலுக்கு முன்னேறினார்.