சீனாவின் ஷாங்காய் நகரில் உலக கோப்பை வில்வித்தை 'ஸ்டேஜ் 2' நடக்கிறது. ஆண்களுக்கான தனிநபர் காம்பவுண்டு போட்டியில் இந்தியாவின் சாஹில் ஜாதவ் பங்கேற்கிறார். நேற்று நடந்த அரையிறுதியில் பிரான்சின் நிக்கோலஸ் கிரார்டை சந்தித்தார். இதில் சாஹில், 146-147 என தோல்வியடைந்தார்.

அடுத்து நடந்த வெண்கலப் பதக்கத்துக்கான போட்டியில் சாஹில், டென்மார்க்கின் மார்டின் டாம்ஸ்போவுடன் மோதினர். இம்முறை சிறப்பாக செயல்பட்ட சாஹில், 147-144 என்ற கணக்கில் வெற்றி பெற்றார்.

காம்பவுண்டு ஆண்கள் அணிகளுக்கான பிரிவில் வெண்கலப் பதக்கத்துக்கான போட்டியில் இந்தியாவின் சாஹில், குஷால், ஓஜாஸ் இடம் பெற்ற அணி, சீனாவை எதிர்கொண்டது. இதில் 'ஷூட் ஆப்பில்' தோல்வியடைய, நான்காவது இடம் கிடைத்தது.