மெக்சிகோவில் உலக கோப்பை 'ஸ்டேஜ் 1' வில்வித்தை தொடர் நடக்கிறது. காம்பவுண்டு பிரிவு அணிகளுக்கான போட்டி நடந்தது. பிரகதி, ஜோதி, மதுரா அடங்கிய இந்திய பெண்கள் அணி, அரையிறுதியில் துருக்கியை எதிர்கொண்டது. இதில் இந்திய பெண்கள் அணி 233-230 என்ற கணக்கில் வெற்றி பெற்று, பைனலுக்கு முன்னேறியது.

ஆண்கள் காம்பவுண்டு அணி காலிறுதியில் இந்தியாவின் பிரவின் ஓஜாஸ், அபிஷேக், சாஹில் ராஜேஷ் இடம் பெற்ற அணி, காலிறுதியில் மெக்சிகோவை சந்தித்தது. இந்திய அணி 232-234 என்ற கணக்கில் அதிர்ச்சித் தோல்வியடைந்தது.

பெண்களுக்கான தனிநபர் காம்பவுண்டு பிரிவு முதல் சுற்றில் இந்தியாவின் மதுரா, 143-141 என பிரிட்டனின் கிரேசை வீழ்த்தினார். மற்றொரு போட்டியில் இந்தியாவின் ஆதித்தி, 146-138 என கிரீசின் சோபியாவை சாய்த்தார்.