ஒருநாள் போட்டியில் சிறந்து விளங்கும் வீரர்களுக்கான தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.,) துபாயில் வெளியிட்டது. இதில் 'ஆல்-ரவுண்டர்' தரவரிசையில் ஜிம்பாப்வேயின் சிக்கந்தர் ராஜா, 302 புள்ளிகளுடன் 3வது இடத்தில் இருந்து முதன்முறையாக 'நம்பர்-1' இடத்துக்கு முன்னேறினார். ஆப்கானிஸ்தானின் அஸ்மதுல்லா உமர்சாய் (296 புள்ளி), முகமது நபி (292) முறையே 2, 3வது இடத்துக்கு தள்ளப்பட்டனர்.

சமீபத்தில் முடிந்த இலங்கைக்கு எதிரான ஒருநாள் தொடரில் 'ஆல்-ரவுண்டராக' அசத்திய (151 ரன், ஒரு விக்கெட்) சிக்கந்தர் ராஜா 39, பேட்டர் தரவரிசையில் 22வது இடத்துக்கும், பவுலர் தரவரிசையில் 38வது இடத்துக்கும் முன்னேறினார். ஐ.சி.சி., தரவரிசையில் 'நம்பர்-1' இடம் பிடித்த 2வது ஜிம்பாப்வே வீரரானார் சிக்கந்தர் ராஜா. இதற்கு முன், ஆன்டி பிளவர் முதலிடம் பிடித்திருந்தார்.