இந்த வரிசையில் விளையாட்டு நட்சத்திரங்கள் பிரிவில் இந்திய பெண்கள் கிரிக்கெட் அணியின் துணைக் கேப்டன் ஸ்மிருதி மந்தனா 29, இடம் பெற்றுள்ளார். இப்பட்டியலில் இடம் பிடித்த ஒரே இந்திய விளையாட்டு நட்சத்திரம் ஆனார். உள்ளூர் ஒருநாள் போட்டியில் இரட்டை சதம், டெஸ்ட், ஒருநாள், 'டி-20' என மூன்று வித கிரிக்கெட்டிலும் சதம் அடித்த முதல் இந்திய வீராங்கனை, பெண்கள் கிரிக்கெட்டில் அதிக சதம் (17) அடித்தவர், சர்வதேச அரங்கில் ஒரே ஆண்டில் 1000 ரன்னுக்கும் மேல் குவித்த முதல் வீராங்கனை என சாதித்துள்ளார். தவிர 2024, 2026ல் பெங்களூரு அணிக்காக பெண்கள் கிரிக்கெட் லீக் தொடரில் கோப்பை வென்று தந்தார்.

ஸ்மிருதி மந்தனா தவிர, போல் வால்ட் போட்டியில் 15 முறை உலக சாதனை படைத்த சுவீடன் வீரர் டுப்ளான்டிஸ், உலக கோப்பை கால்பந்தில் ஆறாவது முறையாக பங்கேற்கும் அர்ஜென்டினாவின் மெஸ்ஸி, போர்ச்சுகலின் ரொனால்டோ, தகுதிச்சுற்றில் (14 போட்டி, 21 கோல்) அதிக கோல் அடித்த நார்வே எர்லிங் ஹாலண்ட், தென் ஆப்ரிக்க கிரிக்கெட் அணி கேப்டன் பவுமா, உலகின் 'நம்பர்-1' டென்னிஸ் வீராங்கனை சபலென்கா (பெலாரஸ்) உள்ளிட்டோர் இடம் பெற்றுள்ளனர்.