சீனாவில், மாஸ்டர்ஸ் 'சூப்பர் 750' பாட்மின்டன் தொடர் நடக்கிறது. ஆண்கள் இரட்டையர் பிரிவு காலிறுதியில் இந்தியாவின் சாத்விக்சாய்ராஜ், சிராக் ஷெட்டி ஜோடி, சீனாவின் ஜியாங் யு ரென், ஹாவோ நன் ஜி ஜோடியை சந்தித்தது.

முதல் செட்டை 21-14 என கைப்பற்றிய இந்திய ஜோடி, அடுத்த செட்டையும் எளிதாக (21-14) வசப்படுத்தியது. முடிவில் இந்திய ஜோடி 21-14, 21-14 என்ற நேர் செட் கணக்கில் வெற்றி பெற்று அரையிறுதிக்கு முன்னேறியது.

சிந்து ஏமாற்றம்

பெண்கள் ஒற்றையர் பிரிவு காலிறுதியில் இந்தியாவின் சிந்து ('நம்பர்-14') உலகின் 'நம்பர்-1' வீராங்கனை, தென் கொரியாவின் சே யங் ஆனை எதிர்கொண்டார். முதல் செட்டை 14-21 என இழந்த சிந்து, அடுத்த செட்டையும் 13-21 என எளிதாக நழுவவிட்டார். முடிவில் சிந்து 14-21, 13-21 என்ற செட் கணக்கில் தோல்வியடைந்தார்.