வில்லியனுார் தொகுதியில் இண்டி கூட்டணி சார்பில், போட்டியிடும் தி.மு.க., வேட்பாளர் சிவா நேற்று கொம்பாக்கம் வார்டு, ஒட்டாம்பாளையம் கிராம பெண்களிடம் ஓட்டு சேகரித்தார்.

அப்பகுதியில் கடந்த 5 ஆண்டுகளில் மேற்கொள்ளப்பட்ட சாலை வசதி, கிராமம் முழுதும் எல்.இ.டி., விளக்குகள், தரமான குடிநீர் உள்ளிட்ட வளர்ச்சிப் பணிகளை பட்டியலிட்டு, என்னை மீண்டும் வெற்றி பெற செய்தால் அனைத்து பகுதிகளிலும் புதிதாக கழிவுநீர் வாய்க்காலுடன் கூடி சாலை வசதி, சுத்திகரிக்கப்பட்ட குடிநீர், விடுபட்டவர்களுக்கு முதியோர் உதவித் தொகை, வீடுகட்டும் திட்டம் தொடர்ந்து செயல்படுத்தப்படும் என, உறுதியளித்தார்.

ஓட்டு சேகரிப்பின்போது, தி.மு.க., நிர்வாகிகள் மற்றும் கூட்டணி கட்சி நிர்வாகிகள் உடனிருந்தனர்.