புதுச்சேரி பள்ளி கல்வித்துறையின் கீழ், பணி நியமன விதிகளை பின்பற்றி, கவுரவ விரிவுரையாளர்கள், கவுரவ பட்டதாரி ஆசிரியர்கள், பாலசேவிகா ஆசிரியர்கள் பணி நிரந்தரம் செய்ய கோரி, அரசு ஆசிரியர் சங்ககளின் கூட்டமைப்பு சார்பில், போராட்டம் நடத்தி வருகின்றனர்.

நேற்று காலை 10:30 மணியளவில் ஒப்பந்த ஆசிரியர்கள், அண்ணா சிலையில் இருந்து மக்கள் மாளிகையை நோக்கி ஊர்வலமாக அண்ணா சாலை, நேரு வீதி, மிஷன் வீதி வழியாக சென்றனர். அப்போது, பெரியக்கடை போலீசார் அவர்களை தடுத்தி நிறுத்தினர். அங்கு போராட்டம் நடத்தியவர்களை போலீசார் அப்புறப்படுத்தினர்.