த.வெ.க., பொதுச் செயலாளர், ஊரக வளர்ச்சி மற்றும் நீர் வளத்துறை அமைச்சர் ஆனந்த், வெளிநாடு வாழ் தமிழர்கள் நலத்துறை அமைச்சர் தென்னரசு ஆகியோர் நேற்று முன்தினம் நள்ளிரவு 12:40 மணிக்கு மேல்மலையனுார் அங்காளம்மன் கோவிலுக்கு வந்தனர்.

முதலில் மூலவர் அம்மனை தரிசனம் செய்தனர். பின் உற்சவர் அம்மனையும், தியான மேடையில் அமர்ந்தும் வழிபட்டனர். இரவு 1:10 மணியளவில் கோவிலில் இருந்து புறப்பட்டனர். அமைச்சர் தென்னரசு தனி காரில் சென்றார்.

கோவிலில் இருந்து சிறிது துாரம் நடந்து வந்த அமைச்சர் ஆனந்த் கூட்ட நெரிசல் இருந்ததால் தனது காரில் செல்லாமல் த.வெ.க., நிர்வாகி சிவக்குமாரின் ஸ்கூட்டரில் 5 கி.மீ., துாரம் சென்று அதன் பின்பு அங்கிருந்து காரில் புறப்பட்டு சென்னை சென்றார்.