ஏற்றத்துடன் ஆரம்பித்து, 10:45 மணியளவில் 146 புள்ளிகள் எனும் அளவுக்கு சென்று, உடனடியாக இறங்கி, பின் ஏறுவதற்கு மூன்று முறை முயற்சி செய்து வெற்றி பெறாமல், நாளின் இறுதியில் 46 புள்ளிகள் இறக்கத்துடன் நிப்டி நிறைவடைந்தது. 18 பரந்த சந்தை குறியீடுகளும் இறக்கத்துடன் நிறைவடைந்தன. இவற்றில், 'நிப்டி 100' குறியீடு குறைந்தபட்சமாக 0.33 சதவீத இறக்கத்துடனும்; 'நிப்டி ஸ்மால்கேப் 100' குறியீடு அதிகபட்சமாக 0.61 சதவீத இறக்கத்துடனும் நிறைவடைந்தன. 21 துறை சார்ந்த குறியீடுகளில், 10 குறியீடுகள் ஏற்றத்துடனும்; 11 குறியீடுகள் இறக்கத்துடனும் நிறைவடைந்தன. இவற்றில், 'நிப்டி மீடியா' குறியீடு அதிகபட்சமாக 1.98 சதவீத ஏற்றத்துடனும்; 'நிப்டி மெட்டல்' குறியீடு அதிகபட்சமாக 1.93 சதவீத இறக்கத்துடனும் நிறைவடைந்தன.