ஏரோஸ்பேஸ், பாதுகாப்பு, விண்வெளி துறை சாதனங்களுக்கான வினியோக தொடர் மேலாண்மை நிறுவனமான வால் - -மெட் இன்ஜினியரிங், நுவாமா கிராஸ்ஓவர் ஆபர்ச்சூனிட்டீஸ் பண்டு நிறுவனத்திடம் இருந்து 200 கோடி ரூபாய் நிதி திரட்டியுள்ளது.

இந்த நிதியானது இன்வென்டரி திறன் விரிவாக்கம், தொழில்நுட்ப உள்கட்டமைப்பு உள்ளிட்ட முக்கிய பணிகளுக்கு செலவிடப்படும். உலகளாவிய விமான உற்பத்தியாளர்கள் இந்தியாவில் தங்களின் உதிரிபாக அசெம்பிளிங் செயல்பாடுகளை தீவிரப்படுத்தும் வேளையில் இந்த நிதி திரட்டல் முக்கியத்துவம் பெறுகிறது என இந்நிறுவனம் தெரிவித்துள்ளது.

2,500

ப ஜாஜ் குழுமம், ஆரோக்கிய துறையில் முதல் முறையாக களமிறங்க 'பஜாஜ் இன்டகிரேட்டட் ஹெல்த் சிஸ்டம்ஸ் ' என்ற நிறுவனத்தை துவங்கியுள்ளது.

மருத்துவமனைகள், வெளி நோயாளிகள் அறுவை சிகிச்சை மையங்கள், வீடு தேடி வரும் சிகிச்சை உள்ளிட்ட ஒருங்கிணைந்த சேவைகள் இந்த நிறுவனத்தின் வாயிலாக வழங்கப்பட உள்ளன. இதற்காக முதற்கட்டமாக 2,000 - 2,500 கோடி ரூபாய் முதலீடு செய்யப்படும். அடுத்த 10 முதல் 15 ஆண்டுகளில் நாடு முழுதும் சேவைகள் விரிவாக்கப்படும் என இந்நிறுவ னம் தெ ரி வித்துள்ளது.