* வைராக்கியமும் விவேகமும் பெற்ற மனிதர்கள் எல்லாரும் நல்ல பாதையைத் தேர்ந்தெடுத்து, மனித இனத்திலுள்ள மற்றவர்களை நிரந்தரமான சாந்திக்கும் ஆனந்தத்திற்கும் அழைத்துச் செல்கிறார்கள்.

* மனிதர்களின் பிறப்புரிமையான நிறைவிலும் சந்தோஷத்திலும் வாழக்கூடிய ஒரு முழுமையான, அமைதியான அரசாங்க முறையை கண்டுபிடிப்பதில், எந்த ஒரு யுத்தமோ, புரட்சியோ வெற்றியடையவில்லை.

* வாழ்க்கையில் ஒவ்வொரு அனுபவமும் அனுபவிப்பவர், அனுபவிக்கப்படும் பொருள், இவ்விரண்டிற்குமுள்ள அனுபவம் என்ற மூன்று முக்கிய பிரிவுகளைக் கொண்டது ஆகும்.

* வாழ்க்கையில் இன்பமான அனுபவங்களை அடைய அகத்தையும், புறத்தையும் பக்குவப்படுத்த வேண்டும்.

* அனுபவங்களின் அடுக்குத் தொடர்ச்சியே வாழ்க்கை எனப்படும். ஒரு செங்கல் சுவரின் ஒரு பகுதி ஆவதுபோல, ஒரு அனுபவம் வாழ்க்கையின் ஒரு பகுதி ஆகிறது.

* வாழ்க்கையின் இடையூறுகளுக்கு விடை நம்முடைய அனுபவங்களை சீர் செய்வதில் இருக்கிறது.

* ஆரோக்கியமான புத்திபூர்வமான வாழ்க்கைக்கு மதநூல்கள் சந்தேகமின்றி நமக்கு வழிகாட்டுகின்றன. ஆனால், நம்முடைய முழு முயற்சியும், மன உறுதியுமே அதை அடைய நமக்கு உதவ முடியும்.

*மனிதனின் மனம் ஒரு கருவிதான். தான் தொடர்பு கொள்ளும் பொருள்களால், இன்பத்தையோ அல்லது துன்பத்தையோ அனுபவிக்கிறது. இந்தக்கருவி சரியாக இருந்தால் மனிதன் வாழ்க்கையில் ஒரு லயத்தையும் இனிமையையும் அனுபவிக்கிறான். ஆனால், இந்தக்கருவி கவனிப்பாரின்றி உபயோகப்படுத்தப்படாமல் கிடந்தால் குழப்பம் எழுகிறது.